Maithili khanpan dudh bagiya banabe ka bidhi

दूध बगिया

ई दूध मे बनाओल जाइत अछि आ मिथिला मे दूध बगियाक नाम सँ जानल जाइत अछि । दूध बगिया विशेष कऽ पूष मास (जनवरी) मे नवजात शिशुक ‘पूषट’ मनेबाक लेल बनाओल जाइत अछि ।

सामग्री

नवका चावलक आटा : १ कप
दूध : ५ कप
काजू : १-२ चम्मच काटल
सूखा नारियल : १ चम्मच काटल
बादाम : १-२ चम्मच काटल
पिस्ता : १ चम्मच (सजेबाक लेल)
चीनी : इच्छानुसार

तैयारी

गुनगुना पानि सँ चावलक आटाक पेस्ट बनाउ आ ओकर एक-डेढ़ इंच बगिया बना लिअ । दूध के एकटा बरतन मे दऽ कऽ उबालैक लेल आँच पर चढ़ा दियौ । जहन इ उबलि जाय तँ एहि मे काजू, नारियल, बदाम आ बगिया दऽ कऽ मिला दियौ आ दस मिनट धरि एकरा बनय दियौ । आब बगिया के आँच पर सँ उतारू आ पिस्ता सँ सजा के परसू ।  
tags - maithili khanpan, maithili khana, dudh bagiya