Maithili khanpan aaluk sana banabe ka bidhi

आलूक साना

आलूक साना मिथिलाक लोकप्रिय डिश अछि । इ दू विध सँ बनाओल जाइत अछि । किछु लोक एहि मे सबटा मसाला काँच देब पसंद करैत छथि तँ किछु लोक मसाला सभ के भूजि के देब पसंद करैत छथि । दूनू विधिये तैयार कएल गेल साना लोकप्रिय अछि ।

सामग्री

छिलका सहित आलू : ६ टा मध्यम आकार के
काटल प्याज : ७५ ग्राम
काटल लहसून : ३० ग्राम
काटल महीन हरियर मिरचाइ : १० ग्राम
हल्दी पाउडर : २ चुटकी
सरसों तेल/रिफाइंड - सब किछु के फ्राय करबाक जोगर
काटल धनिया पत्ता : १५ ग्राम
सरसोंक दाना : ४-५ ग्राम
नमक : स्वाद के अनुसार

तैयारी

छिलका सहित आलू के उबालि लिअ । छिल्का हटा के एकरा मिला लिअ । एहि मे गाँठ नहि रहक चाही । एकटा बरतन मे अलग सँ तेल के गरम करू आ ओहि मे सरसोंक दाना दऽ दियौ आ प्याज, लहसुन, हरियर मिरचाइ के नमक, हल्दीक संग फ्राय करू । फ्राय कएल गेल सामग्री के मिलाओल गेल आलू मे दऽ दियौ । एहि मे काटल धनिया पत्ता दऽ दियौ आ एकरा मिला दियौ । आब अहाँक डिश तैयार अछि ।

एकरा दोसरो तरह सँ तैयार कएल जा सकैत अछि । एहि विधि मे उपरका सामग्रीक अलावा नीबूक रस आ अचारक मसाला (एक चम्मच)क आवश्यक्ता होइत अछि । एहि विधि मे मसाला सब के फ्राय करबाक बदला एकरा सीधे मिलाओल आलू मे दऽ देल जाइत अछि । आ ओहि मे अचारक मसाला आ किछु बूंद नेबोक रस मिला देल जाइत छैक । 
tags - maithili khanpan, maithil khana, maithili bhojan, maithili samagri