Maithili khanpan aamak ka khir banabe ka bidhi

आमक खीर

सामग्री

दूध : १.५ ली०

बासमती चाउर : ७५ ग्राम

सुच्चा घी : २-३ चम्मच

आम : तीन टा (पाकल)

चीनी : १२५ ग्राम

बादाम : १०-१२ टा

किसमिस : १५-१६ दाना

किछु केसर, पीसल छोटका इलायची : अंदाज सँ

विधि :

आम के छीलि के छोट-छोट कतरा काटि कऽ राखि लिअ । चाउर के धो के २० मिनट धरि पानि मे भिजा लिअ । बादाम के उसनि कऽ सेरा लिअ । तकरा बाद खोइया हटा कऽ छोट-छोट कतरा काटि लिअ । केसर के सुषुम पानि मे भीजा कऽ राखि लिअ । एकटा बासन मे सुच्चा घी गरमा कऽ ओहि मे भीजल चाउर, ईलाइची पाउडर, बादाम, किसमिस मिला कऽ भूजि लिअ । फेर एहि मे दूध मिलाऊ आर बीच-बीच मे हिलबैत रहू । आब आंच कम कऽ कऽ खीर के गाढ होइ धरि इंतजार करू, तखन ओहि मे चीनी दऽ दिऔ । सिद्ध भऽ जयबाक बाद एक तिहाई खीर दोसर बासन मे राखि कऽ कटल आमक कतरा राखू । फेर ऊपर सँ खीर राखू आर आम के कतरा सेहो राखू । एकरा बाद बचल सभटा खीर ऊपर सँ राखि दिअ । सेराइ के बाद फ्रीज मे राखि लिअ । नीक जंका सेरा गेला के उपरांत परसि लिअ ।
tags - maithili khan pan maithili khana aamak khir