maithili khan pan - litti

लिट्टी

लिट्टी बिहार मे जलखै या रातिक भोजनक सब सँ प्रसिद्ध सामग्री थिक । मिथिला मे जाड़क दौरान ई बेसी प्रसिद्ध अछि । एहि मे केलोरी कम रहैत अछि आ ई नीक उच्च फायबर भोजन थिक । बैगनक भर्ताक संग लिट्टी खेबाक मजे किछु अलग अछि ।

सामग्री :
गहूमक आटा - दू कप
पानि - १/२ कप
नमक - १/२ चम्मच
भरबाक लेल
सातु - १ कप
लहसुन (काटल) - ४ दाना
अदरक (काटल) - एक चम्मच
हरियर मिर्च (काटल) - २
धनिया पत्ता (काटल) - दू चम्मच
मंगरैला - १/२ चम्मच
अजमैन - १/२ चम्मच
नीबूक रस - २-३ चम्मच
अचारक मसाला (मिर्चक अचार सर्वोत्तम) - २-३ चम्मच
सरसों तेल - २ चमच


विधि

भरै वला सभ सामग्री के सत्तु के संग मिला दियौ । एहि मे कने पानि दऽ दियौ ताकि ई भरै मे आसानी होइ । एकरा अलग सँ राखि लिअ । आटा के सानि लिअ आ एहि मे स्वाद के लेल कनेक नमक दऽ दियौ । आटाक गोली बना लिअ । एकरा हाथ सँ गंहीर कऽ लिअ । एहि मे २-३ चम्मच सत्तूक मिश्रण दऽ कऽ एकरा बंद कऽ दियौ । ई सुनिश्चित करू जे एहि मे कोनो छेद नहि रहय आ आटा सँ सत्तू नीक जेकां झपा जाइ । जहन सभटा काँच लिट्टी तैयार भऽ जाय तँ एकरा ओवन मे दऽ कऽ ता धरि गरम करू जा धरि कि ई भूरा नहि भऽ जाय आ एहि पर कारी-कारी धब्बा नहि आबि जाय । एहिना दोसरो दिस भूरा करू । बाहर निकालि के एकरा शुद्ध घी या मक्खन मे डुबा दियौ आ बैगन के भर्ताक संग एकरा परसू । गरम-गरम खाउ ।
tags - litti, maithili khanpan, maithili khana