Maithili khanpan puaa banabe ka bidhi

Maithili ka khan pan me puaa ago prashidh khana chhi, je hamra sab ka festible me banal jait ya,
nicha ma hum puaa ka banbe ka bidhi delo han, jinka nai banba aaba oo aadmi bidhi dekh ka bana leb
prakash, thakur

पुआ

एहिठाम बताओल गेल पूआ आ अन्यत्र उपलब्ध पूआ मे इ अंतर अछि जे एहि पूआ मे चीनी मिलाओल गेल अछि आ एकरा चीनीक चासनि मे डुबयबाक काज नहि ।

सामग्री :

दूध : ५०० मि०ली०

चीनी : ३०० ग्राम

मैदा : २५० ग्राम

किसमिस : किछु दाना

इलायची पाउडर : चौथाई चम्मच

सुखायल नारियल : किछु टुकड़ा

केड़ा : ४-५ टा

तरबाक लेल तेल

विधि

दूध उबालि लिअ आ ठंढा होमय दिऔ । दूध मे चीनी मिलाउ आ ओकरा घोरि दिऔ । चीनी नीक जेकाँ घोरा गेलाक बाद दूध मे मैदा दिऔ । एकरा नीक सँ मिलाउ ताकि एहि मे गाँठ ने रहय । दूध आ मैदाक झोर बेसी पातर नहि हेबाक चाही । यदि इ पातर बुझाय तँ एहि मे आर मैदा मिला दिऔ । एकरा आधा घंटा तक छोड़ि दिऔ । एकरा बाद एहि झोर मे किसमिस, इलायची पाउडर, नारियल आ थकुचल केरा दऽ कऽ एकरा नीक सँ मिला दिऔ ।

कराही मे तेल गरम करू । कराही मे एक करौछ झोर दिऔ । तुरंते पुआ पुरी जेकाँ उठत । कम आँच पर पकाउ जा धरि कि दुनू दिस भूरा रंग के नहि भऽ जाय । पुआ ओनहिये या रबड़ीक संग लेल जा सकैत अछि ।

एहि बातक ध्यान राखल जाय जे केरा मिलाओल झोर के बेसी काल नहि राखू । यदि अहाँ सबटा झोर के पुआ नहि बनबय चाहैत छी तँ जतेक बनेबाक अछि ओतबे भाग मे केरा मिलाउ 

Tags- Maithili khan pan, khan pan, maithili pakban puaa, पुआ